خطيب وخطيبته بيموتو فى بعض

**بنوتة شقية** · 07/11/1997

بسم الله الرحمن الرحيم

خطيب وخطيبته بيموتو فى بعض

الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

**نور العيون** · 10/11/1994

هههههههههههههههههههههههههههههه
لا بجد جميله اووووووووي يابنوته
ميرسي ليكي ياقمر
نيس توبك

**ملكه الاحساس** · 17/04/1980

دمك شربات ههههههههه

**بنوتة شقية** · 07/11/1997

نور العيون
ملكة الاحساس
منورين ياقمر التوبيك

**Admin** · **Admin** الإثنين ديسمبر 06, 2010 7:04 pm

ههههههههههههههه مش صحيح الكلام
دا انا مش معاكي بس لكل شخص وجه نظر
وي بكره كل واحده فيكو هتكون حماه ان شاء الله
ههههههههههههههههههههههههههه
خطيب وخطيبته بيموتو فى بعض 184115