قولوا لعين الشمس متحماشى لأحسن حبيب القلب صابح ماشى

**Admin** · **Admin** الثلاثاء مايو 31, 2011 11:47 am

أحيانا بشعر بشىء من السخف وأنا بقرأ كتابات أنيس منصور عن المرأة

وأحيانا
كده وانت بتقرأ كتابات أنيس منصور عن المرأة تتصور إنه عايش فى البيت مع
هرقليز وبيدوق فى بيته على يد مراته اسود من اللى داقته جميلة بو جريد على
يد الاستعمار- الاستخراب- الفرنسي .

وبغض النظر عن كلامه سواء كان مقتنع بيه أو بيملى بيه ورق وخلاص تحس ان الحساسية فعلا بين الرجل والمرأة موجودة فى دماغ بعض الناس ..

ورغم انها فى نظرى حساسية مصطنعة وكل راجل منصب نفسه

عمدة (يا رجال العالم اتحدوا ) وبعض الستات اللى عامله نفسها معاها توكيل جميعة ( هن) .

كل
واحد او واحدة فى دول بيتكلموا من منطلق ( الكتلة) .. وعلشان الجماعة بتوع
الفيزياء ميفهموناش غلط وإننا بعد الشر بنتكلم فى الفيزياء ، اقول الكتلة
يعنى التكتل أو القطب ، يعنى كتلة الرجالة وكتلة الستات حاجه كده تقول
عليها الاهلى والزمالك أو إسماعيل يس والشاويش عطية .

ومتعرفش
ليه أساسا وجود الحساسية دي ! وليه اساسا كل واحد بيتجوز كل اللى حوليه
بيشعروه إنه داخل على حرب ويا قاتل يا مقتول ومتنساش تدبح القطة من أولها
..

بعض
الناس بتقول أن الزوج والزوجة بيتغيروا بعد الجواز ..هى تقوله مش أنت توتو
بتاع الخطوبة وهو يقولها موش انتى فوفو بتاعه الخطوبة ..وهو ما بيصدق يخرج
من البيت علشان يهرب من الحكومة اللى هى أصلا مراته .. وهى قاعدة فى البيت
أخر مزاج وأول ما يخش جوزها من الباب تقوله ( أنت جيت يا منيل) ..!

تحس
ان فيه حاجه غلط فى علاقة بعض الازواج ببعض ..أو فيه فكرة غريبة عن الحياة
الزوجية فى عقول كتير من الناس ..فتغير المرحلة من خطوبة إلى زواج غير
حاجات كتير ..هو مبأش الواد الروش اللى ضارب الجيل واخر شياكة ، وهى مبأتش
البت الرشيقة اللى جسمها بنانيتى اللى حاطه البرفان اللى بيدوخ ..

الالتزامات
الجديدة غيرت فى حاجات كتيرة فى الطرفين ..وده الغلط ..ومن هنا تبدأ رحلة
الهروب الكبير .. وتبدأ المأساة فى التراشق بالاتهامات .. وتبدأ التهكمات
من الطرفين .. وإذا كان ده جانب مظلم من العلاقة الزوجية هناك جوانب تانية
تدى الواحد شوية أمل ..يعنى من ضمن الحالات الناردة اللى الواحد بيشوفها
إستمرار قصة الحب من أيام الخطوبة لسنين عميقة بعد الجواز .. وإنه يفضل
نفس الاحساس بالخوف على الحبيب اللى أصبحت زوجته وأم وأولاده ويزداد حبه
ليها مع الوقت أكتر من فترة الخطوبة .. القضية دلوقت موش مسألة أن واحدة
أو واحدة يتجوزوا وخلاص ولكن المهم انهم بعد الجواز ده حيقدروا يراعوا
الحب ده ولا لأ ..حيقدروا يحموه من كل مشاكل الزواج وتبعاته ولا لأ .. لو
الواحد عارف انه حيتجوز وتباه حياته حجيم يباه بلاش جواز .. لكن لو قادر
تخلى جوازك هو فترة خطوبة طويلة الامد يبأه هو المطلوب إثباته .

وأختم
بكلمات أغنية محبوبة الجماهير( شادية ) قولوا لعين الشمس ما تحماشي لحسن
حبيب القلب صابح ماشى دى الاه بقولها وهو ميدراشي وفى بعده طعم الدنيا
ميحلاشى وقولوا لعين الشمس متحماشى .

**اميرة عاصم** · 03/10/1968

انا مش معاك لان فى زواج ناجح كتير

اساس نجاح الزواج هو ان يكون مبنى على الحب والاحترام بين الطرفين

والاهتمات المشتركة بان كل واحد يحاول يهتم بالاخر ويعمل على اسعاده

ده مش كلام شعارات لكنه حقيقه زى ما فى الوحش فى الكويس

قولوا لعين الشمس متحماشى لأحسن حبيب القلب صابح ماشى 183214_mam44057

قولوا لعين الشمس متحماشى لأحسن حبيب القلب صابح ماشى 183214_mam44057

**Admin** · **Admin** الثلاثاء يونيو 07, 2011 11:26 am

شكر لمرورك
و جميع وجهات النظر نحنرم صحيح
مين قالك تخدي
صوره التوقيع بتاعي القديمه
قولوا لعين الشمس متحماشى لأحسن حبيب القلب صابح ماشى 252797

**Admin** · **Admin** الإثنين يونيو 13, 2011 4:18 am

اقـــدم اعــتــزاري الــــي ســـيـــداتــــي الــجـــميله
ولـــــكــــن مـــــا قصـــت بـــه ان اقــــول عـــن هـــذا التوقيع
انه مــثــل بتاعـــي القـــديم
يعـــني انا كنــــت عـــامـــل الصـــوره دي توقيع ليا قــبــل ذلك
مش شرط انـــــــــي تكـــوني واخده التوقيع من المنتدي
نفسه التوقيع دا اكيد في منتديات كثيره
و كمان انا كنت بهزر
رجاء ان تقبلي عزري سيداتي الجميله
قولوا لعين الشمس متحماشى لأحسن حبيب القلب صابح ماشى 94358

قولوا لعين الشمس متحماشى لأحسن حبيب القلب صابح ماشى 94358

قولوا لعين الشمس متحماشى لأحسن حبيب القلب صابح ماشى 757931

قولوا لعين الشمس متحماشى لأحسن حبيب القلب صابح ماشى

قولوا لعين الشمس متحماشى لأحسن حبيب القلب صابح ماشى

رد: قولوا لعين الشمس متحماشى لأحسن حبيب القلب صابح ماشى

رد: قولوا لعين الشمس متحماشى لأحسن حبيب القلب صابح ماشى

رد: قولوا لعين الشمس متحماشى لأحسن حبيب القلب صابح ماشى

للمشاركة انت بحاجه الى تسجيل الدخول او التسجيل

التسجيل

تسجيل الدخول