ياحب عشقته كل القلوب

**Admin** · **Admin** الأربعاء نوفمبر 16, 2011 11:07 am

كلمات في حب مصر

يا مصر نجم عالي في السما فوق

يا شمس بتنور كل الدروب

يا اسم بيحرك أمواج بحر الشوق

ياحب عشقته كل القلوب

يا أرض ارتوت بدم ولادها

ضحوا بنفوسهم علشان ترابها

يامصر يا جوهرة من الماس

ساحرة بجمالها كل الناس

قلبي بحبك يا بلدي ولهان

غنّي باسمك أحلي الألحان

مين ده يا مصر اللي يقدر يهينك

وانتي ضمَّة الكل علي أرضك ومغرقاه بخيرك

الكل يا بلدي عينه عليكي

وانتي يا مصر ربي حميكي

إسمك يا مصر مذكور في القرآن

عِزَّة وشرف ليكي من الرحمن

ربي خلاكي بلد الأمن والأمان

يتمني يبوس ترابك كل انسان

مش ذنبك انه مش عارفك الجاهلين

انك مهد وموطن لكل دين

شعبك يا بلدي شعب من أسود

مش بين الشجر يتنطط زي القرود

لو حد حاول يكسر بابه

هيبقي جثة بين انيابه

جنودك يا بلدي رسولنا عظّمهم

من بين جنود الأرض وصَّي وأختارهم

اسمك يا مصر في السما عالي

في قلب كل انسان عزيز وغالي

بهديكي يا بلدي روحي هدية

يا اغلي عندي من نور عنيه

طبعا دي كلمات رقيقة جدا جدا في حقك يا بلدي ..لكن اعذريني حبيت اعبرلك عن اللي في قلبي ليكي ..

اتمني ان تنال الكلمات اعجابكم..واتمني ان تشاركونا ولو بكلمة في حب مصر..

بحبك يا مصر. ياحب عشقته كل القلوب 957842

. يا ام الدنيا

ياحب عشقته كل القلوب 693684

ياحب عشقته كل القلوب

ياحب عشقته كل القلوب

للمشاركة انت بحاجه الى تسجيل الدخول او التسجيل

التسجيل

تسجيل الدخول