حكايه حبيب

قبل الحب



قبلك كنت ضايع تايه مفيش فى حياتى اى حاجه كويسه بقضى يومى كائنه يوم وخلاص
لازم يعدى حياتى تافهه ممله كل يوم اصحى علشان اقضى اليوم وانام تانى مفيش
فى حيات جديد سفر شغل تعليم كلام فارغ مش ماثر فى حياتى خالص مش حاسس بطعم
الدنيا مش فاهم ليه وازاى انا عايش فى الدنيا كدا من غير ملامح بحسد كل
اتنين بلقيهم مع بعض اعدين بيتكلمو ماشيين او فى موقف رومانسى على البحر
او فى كافتيريا او مطعم او فى الكليه او فى اى مكان وابصلهم واتحصر على
نفسى واقول بينى وبين نفسى ليه مش لقى الحب ده ليه مش عارف اوصله ياترا
العيب فيا ايه ليش قلب ؟ مبعرفش اتكلم؟ شكلى مش مقبول؟ دمى تقيل؟ خواف
جبان بخيل سلبى قاسى؟ مش استيل ؟فقير عنيد خبيث؟ وبقول بينى وبين نفسى
ليه مش قادر احب وليه مش لقى الحب وليه وليه هل الصفات دى فيا ولا انا بوهم
نفسى البنات اتعمت ولا انا مش قادر اوصل لقلب حد ايه السبب ايه اللى
يوصلنى للحب وانا اعمل علشانه المستحيل ازاى احب وازاى اتحب وازاى اوصل
الى اى قلب هفضل كدا على طول من غير ملامح ولا قلبى هو اللى مش سامح ولا
ايه حاول ياقلبى بقى خلاص انا تعبت لازم القى حل ان شاء الله احب بنت
الجيران حتى لو كانت وحشه اعمل ايه يا ناس حد يدلنى ازاى مش عارف احب دا
غلط فيا ولا انا اللى مش قادر احب ولا انا اللى مش محبوب الحل فين؟


لقيت الحب



فجئه دق على بابى ومن غير احم ولا دستور بنت جميله لزيزه تتحب كلمتها
ادتنى رقم الموبيل بتاعها مرضتش اتصل بيها كبرت فى نظرها من الحركه دى
كانت هتعرف لو انا كلمتها انى بتاع بنات وبتسلى على اى حد لما قابلتها
تانى لقيتها اتشدتلى وقالتلى عارف ليه انا كلمتك وعرفت علشان متصلتش بيها
كانت هتنتهى الحكايه فجئه لقتنى كل شويه فى بالى هى لقيت نفسى مش قادر
ابعد عنها بقرب كل يوم اكتر منها حسيت بحلاوه الدنيا وهى معايا وانا كمان
حسستها بيها لقيت حياتى اتغيرت مشاعرى بقت رقيقه حساسه وقلبى بقى كل لما
يشوفها يتنفض من مكانه سعيد فرحان بعد طول انتظار لقيت حببتك عقلى مبيبطلش
تفكير فيها ايدى بتجرى على اى حاجه اشوفها فيها زى صوتها او اى قلم
اكتبلها كلمه تعبر عن اللى جوايا او الموبيل لما بتبعتلى رساله افضل افكر
فيها ليل ونهار حبيتها قوى لدرجه الخيال اللى مش ممكن حد يتوقعه عشت معاها
سنه كانت عمرى كله

احداث
الحب فى سنه



كل يوم نتكلم طول النهار لما ترجع من الكليه كنت بينى وبين نفسى بفضل
اغنيلها واسجل الاغانى واسمعهالها حلمت انا وهى بكل حاجه حلمنا باننا نبقى
مع بعض ونقعد على البحر سوا دايبين زى اجمل اتنين حلمنا ببتنا واولادنا
ومستقبلنا حلمنا واحنا مسكين ايد بعض وكل واحد باصص فى عين التانى وبيتكم
من غير عنيه ماتنزل من عليه حلمنا بسفر اى بلد حلمنا باى مكان خطر على بالى
وبالها اننا نقعد سوا عنده قولنا لبعض كل كلام الحب مفيش كله متقالتش
بالعكس الفنا فى الحب كمان وزودنا عليه نسينا الدنيا ونسينا الناس والعالم
واللى فيه بس بقينا فى قلب بعض فى حلمى شوفتها وهى معايا بناكل ايس كريم
وترمس واحنا فى المطعم بنتغدا وبنتعشا واحنا مشيين فى عز البرد على البحر
وهى فى حضنى مدفيها جوايا حلمت بامانى كنت بتمناهلها حلمت وهى لبسه فستان
الفرح وزى القمر منورا الدنيا حلمت بيها وهى نايمه وهى لسا صاحيه من النوم
حلمت بيها وهى منعكشه شعرها حلمت بيها بكل مكان وكل حاجه وكل شكل بقت
حياتى عشت معاها اجمل سنه ومش هعيش تانى غيرها كانت زى الملاك كانت تعمل
الغلط وتقول لا انا غلط ولما اعمله انا تقولى وانت زنبك ايه انت مغلطش كانت
رقيقه اوى حنينه اوى طيبه اوى لزيزه اوى كنت بحب كل حاجه فيها شكلها كلمها
تفكيرها تعبيرها نطقها همسها حسها مفاجئتها تهانيها اى حاجه تتصوروها
كانت على قلبى زى العسل حبتها اوى ومعشتش معاها ولا يوم من احلامى دى كانت
مجرد احلام
اتغير الكلام



جت بعد كدا كل حاجه اتغيرت انا سبت شغلى واشتغلت فى مكان بعيد وهى لقتها
مره واحده بقت بتزهق بقت مش خفيفه زى الاول حسيت بتغيير تقطع مره واحده
وبعد شهر القيها تظهر وترجعلى اسئلها فى ايه تقولى جالى عريس وبابا موافق
عليه وانا رفضته علشانك وانا اعاتبها على الاختفاء ده واطمنها انى هوح اكلم
والدها وتيجى تعتزر وتقو مش هتحصل تانى الحركه دى اسبوع القيها اختفت تانى
وتظهر وترجعلى وتقولى انا اسفه مش قادر ابعد انا تعبانه واسكت وارضى
وارجعلها تانى اسبوع ولا اتنين القيها اختفت تانى شهر وترجع تانى تتاسف
هددتها لتبعدى لتقربى شوفيلك حل كنت حاسس انها مخبيه حاجه جواها حاولت اعرف
لسؤ الحظ دى الحاجه الوحيده اللى مقدرتش اوصلها لقتها بتتغير وكلامها
بتحول وبقت مش هى حبى كنت بنادلها اقولها يا قلبى مكنتش اندها باسمها وهى
كمان كانت بتقولى يا قلبى لقتها شويه شويه بتغير وبتندهنى باسمى حصلى مشاكل
وكنات علاقتى بيها متزبزبه لقتها اتغيرت خالص وبقت بتزهق بسرعه لحد لما
سافرت فى شغل وبقيت بئعد هناك بالشهور لقتها مبتتكلمش خالص لحد لما فهمت
انها خلاص ان الاوان انها تبعد كان صعب عليا مستحميلتش كلمتها ايه فى
ايه ايه اللى غيرت صدمتنى وطبعا جابت كل حاجه وحشه علشان تهرب وتسبنى
قالتلى انازهقت ومردتش بعدها حاولت اكلمها علشان اعرف لقتها مبتردش حاولت
تانى وتالت لقيت نفس الرد مفيش رد قلت خلاص مدام اخترتى يبقى دى النهايه
خلص الكلام



كل واحد سكت فى حاله قفلت الموبيل وهى غيرت الخط بقت الحكايه زى التلج
اللى داب خلصت الحكايه واكتشفت ان انا كنت مخدوع فيها وهى كانت بتلعب
وعايزه تشبع رغبتها فى الكلام وانها تحس الحب من واحد بس هى مطلعوش من
قلبها تتكلمه بس الاسف اكتشفت دا والدليل انها راحت بلا رجعه اختفت لقيت
نفسى دارت الدنيا بيا تانى ورجعت زى ماكنت فى الاول بس اللى زود احكايه ان
المرادى قلبى اتخدع واتجرح من انسانه كنت فا كرها ملاك بجد مش بشر كنت
بتمنى الموت مكانها حسيت بعزاب بعدها حسيت بالم فى قلبى حسيت ان روحى خلاص
هتطلع ومشيت الايام فجئه لقيتها قدامى سكت قلبى ارتجف واديا بتترعش ومش
قادر اتلم على روحى ومش قادر اخد نفسى كلمتنى ازيك قولتلها زى مانتى شايفه
كانت حالتى بالبلاء ودقنى طويله واكتئاب ومخنوق قالتلى شوفتك قولت اسلم
عليك حبيت افهم منهاليه عملت كدا اتصدمت اكتر لما لقتها عايشه حياتها وكائن
مفيش حاجه حصلت نسيت لا مش نسيت دا مكنش فى حاجه بالنسبالها علشان تنساها
جيت اقكلمها قالت من غير ماتتكلم مفيش حاجه هترجع انا كنت هقع على الارض
مش حاسس بنفسى وقلبى هيقف لكن ملكت نفسى شويه وشويه مشيت ولا همها عشت
بعدها اسواء ايام حياتى كلها حياه ظلمه اوى مبكلمش حد قرفان مخنوق مكتئب
متدايق كل لما اسمع اغنيه من اللى كنت ببعتهاللها كنت اموت جمبها كل لما
اشوف صورتها انهار لحد لما مسكت نفسى وقلت اعيش بدل مانا سايب شغلى وحياتى
وكل حاجه واعد هموت هنا هى باعتنى قولت انسى واشوف دنيتى جايز تبقى احسن
مخبيش عليكم اثر فيا قوى بس خلاص مبقاش ليها مكان فى قلبى انتهت حتى لو
كانت رجعت مكنتش هتلاقى مجال لرجوعها واهه عايش كويس من غير حب لما اجى
احب هتاكد الاول انى مش مخدوع زى ماتخدعت .