كتاب دعوى عن الحجاب باسلوب شبابى

السلام عليكم ورحمة الله وبركاته


الحمد لله رب العالمين والعاقبة للمتقين والصلاة والسلام على افضل المرسلين وخاتم النبيين سيدنا محمد وعلى اله الطيبين وصحابته الاكرمين والتابعين لهم باحسان الى يوم الدين


الكتاب ده بصيغة pdf

ولتجنب ان اى حد معندوش برنامج يشغل الصيغة دى انا فرغت الموضوع كتاب واللى عايز يحمل انا رفعه كمان

التحميل


http://www.multiupload.com/FXPJALGR4K

تفريغ الموضوع


رحله الي كل بنت يكتب في خانه الديانه
بطاقتها الشخصيه حاسه بطعم الحياه؟؟
طيب تعالي بينا نطلع رحله..........؟؟
تحبي تطلعي رحله فين؟؟
ايه اجمل مكان شفتيه في حياتك ونفسك تروحيه؟؟

* طيب تعالي نحلم سوا..واي حلم؟!

ده احلي حلم في حياه كل واحد فينا..

هخدك معايا في مكان مختلف تماما..مكان كل الناس سعيده فيه..الكل فرحان ومبسوط ومرتاح البال..مكان كله حب في حب الحب الحقيقي بجد



هاخدك ونروح الجنه..
صيه مسلمه!

عايز اتكلم معاكي عن شيء مهم جدا في حياه كل مسلمه ،شيء بيميز اي بنت مسلمه عن بنات الكون كله
عايز اتكلم معاكي عن حجابك
يوووووووووووووه!!!تاني حجاب !!طيب مانا محجبه !!
ياتري انتي فعلا محجبه ؟؟
احنا منقدرش نقول لا،لان فعلا في حاجه ملفوفه علي شعرك،بس للاسف صعب تحكم عليه انه
"حجاب"!!!


وقبل ماكمل كلامي ....
*اولا: لازم تعرفي ان ربنا بيحبك...ايوة بيحبك علشان سهّل ان الكتاب ده يوصلك وتقراي الكلام ده ،بنات غيرك كتير ممكن ميوصلهمش الكلام ده ...
ويضيعو اخرتهم وهما مش حاسين ،وفاكرين انهم ماشيين صح ! فالحمد لله ان ربنا بعتلك اللي يزكرك
*ثانيا :اوعي تزعلي مني ..او من الكلام..اصل ده مش كلامي ده كلام ربنا سبحانه وتعالي والنبي صلي الله عليه وسلم اللي حبهم بيجري في دمي ودمك ...
ولا انتي مش بتحبي ربنا والنبي صلي الله عليه وسلم ؟؟؟؟
يبقي لازم نتفق ان اي حد بيحب حد يبقي لازم يحب كلامه ويسمعه .. .
انا عايز اكلم اختي اللي مكتوب في خانه الديانه في بطاقتها مسلمه...
واقولها ياختي ياللي بتصلي وبتصومي وبتطيعي ربنا ..بس .

حجابك لسه مش كامل!!
_الحجاب ياختي مش مجرد طرحه بتتلف عالراس وخلاص . ..الحجاب يعني لبس البنت المسلمه ككل ...كلمه "حجاب"اصلا يعني بيحجب ..بيمنع...يعني بيغطي..وده مش متوافر في لبس البنات في الزمن ده زي مانتي شايفه؟؟!
_طيب ايه هو الهدف من الحجاب ؟؟ ايه لزمته؟؟ المفروض انه بيحمي البنت المسلمه ويعفها ويمنع عنها ذئاب البشر ويمنع عنها اي اذي ..
وكمان علشان نحمي شبابنا من فتنه النساء..الشباب اللي عينيهم اتدمرت من النظر للبنات ....
*وربنا هو اللي فرض الحجاب ....وهو اعلم بينا وبمصلحتنا وباللي فيه الخير لينا ...
ولكن اللي بيخالف امر ربنا ...يبقي يستاهل عقابه ؟
الموضوع خطير والله ....
انا عايزك تخافي علي نفسك..! انتي فاكره نفسك ماشيه في طريق الجنه وانتي والله مش هتقربيها ولاحتي هتشمي ريحتها الا ان توبتي ..!


طيب انا بكلمك ليه ؟؟
انا لما اشوف اختي ماشيه وادامها حفره وهتقع فيها وهيا مش واخده بالها ؛لازم احذرها ..؟؟ بعد كده لو وقعت في الحفره يبقي هيا اللي اختارت بايديها !!

*رساله الي كل بنت مسلمه : الي كل بنت بتصلي وبتصوم وبتقرا قران وفاكره ان (لبسها محترم)


بقولها ياختي:

مفيش حاجه اسمها لبس محترم ولبس مش محترم!!
مفيش حاجه اسمها بنطلون واسع وبطلون ضيق
مفيش حاجه اسمها بنطلون وفوقيه فيست مغطيه
مفيش حاجه اسمها بدي لوحده وبدي فوقه بلوزه
في حاجه اسمها الزي الشرعي الاسلامي كما وصفه الله عز وجل ورسوله صلي الله عليه وسلم وده اللي هنعرفه بازن الله ...
*اناهكلمك دلوقتي.... ولوشديت عليكي متزعليش؛ لاني خايف عليكي ..انا ممكن اضحك عليكي بكلمتين زي اي حد مش خايف عليكي ومش خسران حاجه لما يجاملك ويقولك انتي انك كده كويسه واحسن من غيرك اللي كاشفه شعرها واللي لابسه نص كم واللي نسيت تلبس اصلا!!
*ده الرسول نفسه خايف عليكي وقال:
"يامعشر النساء تصدقن واكثرن الاستغفار فاني رايتكن اكثر اهل النار "
مستنيه ايه علشان تلبسي حجاب صح؟؟


مستنيه ايه؟
مستنيه موت الفجاه ياخدك وتقابلي ربنا كده؟؟
&هو الموضوع خطير للدرجه دي يعني؟؟
ماكل البنات والستات لابسين كده؟!
معني كده ان كلهم هيتعذبو في النار يعني ؟!
_مانا لسه قايلك ان النبي صلي الله عليه وسلم قال ان النساء اكثر اهل النار !
رواه مسلم
تعالي نشوف لبسك ده ممكن يوديكي فين ؟


"انتي عارفه ياختي...

_لو نزلتي الشارع و100 واحد بس نظروا ليكي ...ب100سيئه ..مفيش مشكله!
_لو نزلتي الجامعه و 100 واحد بس من الالوف اللي موجودين في الجامعه نظر ليكي ..كل واحد نظر 100 نظره هيطلع بس 100000 سيئه!
_لووقفه بقي مع شله في الجامعه ساعه ولا اتنين كل واحد فيهم نظر ليكي 100 نظره في المده دي ..
_ولو شاب من اياهم اللي عينيهم هيئه ارصاد جابك من فوق لتحت ربع ساعه يعني كمان 1000 نظره ..
_لو نزلتي تتفسحي بالليل وكل واحد من شباب الليل اللي ميوصش ، هنقول نظر 10 مرات بس
بعد كل ده هترجعي بكام سيئه؟؟؟؟!
_واحده ملتزمه لما شافتك اتفتنت بنظر الناس ليكي قلدتك في لبسك ..في ميزان سيئاتك..!
_بنتك لما تكبر وتشوف صورك وتقول انا هطلع زيك يماما ..في ميزان سيئاتك..!
_اعداء الاسلام لما يشوفوكي انتي وبنات المسلمين بالمنظر ده ويفرحو، يبقي انتي شمتي اعداء الاسلام في الاسلام ..في ميزان سيئاتك..!


ايه ده كله؟؟؟؟؟؟؟؟؟!!
كل ده يجيله كم سيئه؟؟؟
مليون سيئه علي الاقل في اليوم ...!!!
طيب ده انتي بقالك 5 سنين بالمنظر ده ..!!
هنقول 2000يوم ×مليون سيئه =كااااااام؟؟؟
داحنا بقينا بنلعب في ملـــــــياراتـــــــــــ من السيئات
دلوقتي!!وعدد السيئات شغال الي ان تتوبي...

طيب حكم الله ورسوله فيكي ايه؟؟؟
بلبسك اللي انتي مستهتره بيه ومتهاونه فيه ومش حاطه اهميه ليه ؛النبي صلي الله عليه وسلم قال انك:
1_من اهل النار ولن تقربي الجنه ولاتجدي ريحها ..!
قال الرسول صلي الله عليه وسلم "صنفان من اهل النار لم ارهما ،قوم معهم سياط كاذناب البقر يضربون بها الناس ،ونساء كاسيات عاريات ،مائلات مميلات ،رؤوسهن كاسنمه البخت المائله ،لايدخلن الجنه ولايجدن ريحها ،وان ريحها يوجد في مسيره كذا وكذا "
رواه مسلم

عارفه كاسيات عاريات يعني ايه؟؟
كاسيات عاريات: يعني لابسه وستره نفسها ومفيش اي حاجه من جسمها ظاهره .. بس لبسها ضيق مبين جسمها كله ؛فكانها مش لابسه !!زي اللي بنشوفه دلوقتي من لبس البنات
(جيبات وبديهات وفيستات وبناطيل جينز واسكني واسترتشات )

2_ملعونه مطروده من رحمه الله ...!
قال صلي الله عليه وسلم "سيكون في اخر امتي رجال يركبون علي سروج كاشباه الرحال ،ينزلون علي ابواب المساجد ،نساؤهم كاسيات عاريات ،علي رؤوسهن كاسنمه البخت العجاف،العنهن فانهم ملعونات "
وقال رسول الله صلي الله عليه وسلم"لعن الله النامصه والمتنمصه "
صححه الالباني في السلسه الصحيحه

ـ ترضي بكده ؟؟ انتي عارفه اللعنه يعني ايه ؟؟؟
اللعنه يعني الطرد من رحمه الله!!!
ده اي حد فينا يتمني اقل جزء من رحمه ربنا ؟؟
اديكي بلبسك ده بقيتي ملعونه وطردتي نفسك من رحمه ربنا ...!! ليه كده ؟؟...وايه اللي يستاهل ؟؟؟

3 _زانيه ولايُقبل منها صلاه ...!
قال رسول الله صلي الله عليه وسلم :"ايما امراه استعطرت فمرّت بقوم ليجدوا ريحها فهي زانيه"
"مامن امراه تخرج الي المسجد تعصف ريحها فيقبل الله منها صلاه حتي ترجع الي بيتها فتغتسل "
صححه الالباني في جلباب المراه المسلمه

زانيه!! وكمان الصلاه مش مقبوله!!
ليه كده؟؟
ليه رضيتي تبقي زانيه؟ عشان شويه برفان وروايح! :
في بنت عاقله في الدنيا ترضي بكده؟! : :
معتقدش ان حد عنده ذره عقل يرضي بكده!

4 _منافقه ومن شر هذه الامه..!
قال رسول الله صلي الله عليه وسلم "خير نساؤكم الولود الودود المواسيه المواتيه اذا اتقين الله ..وشر نساؤكم المتبرجات المتخيلات ،وهن المنافقات ،لايدخل الجنه منهن الا مثل الغراب الاعصم "
وكمان منافقه!ومن اشر الناس في امه النبي صلي الله عليه وسلم !!!
صححه الالباني في السلسله الصحيحه

5 _من صاحبات الكبائر التي تعادل القتل ..!
"جاءت اميمه بنت رقيقه الي رسول الله صلي الله عليه وسلم تبايعه علي الاسلام، فقال:ابايعك علي الاتشركي بالله شيئا ،ولاتسرقي ولاتزني ،ولاتقتلي ولدك ،....،ولاتنوحي،ولا تتبرجي تبرج الجاهليه الاولي "
_النبي صلي الله عليه وسلم حط التبرج مع بقيه الكبائر ،يعني النبي صلي الله عليه وسلم لو شافك دلوقتي مش هيرضي يبايعك علي الاسلام !!ترضي بكده ؟؟!!

6 _جند من جنود الشيطان في الارض..!
قال رسول الله صلي الله عليه وسلم "المراه عوره فاذا خرجت استشرفها الشيطان "
يعني الشيطان بيفرح اول ماتخرجي بالمنظر ده !
بتوفري عليه كتتتتتتتير في اضلال الشباب ..!

مستنيه ايه؟
عمرك شفتي ذمب الرسول صلي الله عليه وسلم بيعظم خطورته قد كده؟؟؟؟
&ايه الكلام اللي انتا بتقوله ده؟؟! انتا اكيد بتهرج !! انا عمري ماسمعت الكلام ده قبل كده! للدرجه دي ؟!
للدرجه دي انا ممكن ريحه الجنه حتي مشمهاش !!
_ايوة ياختي... التبرج جريمه وذمب خطير جدا..

مستنيه ايه بقي؟؟
مستنيه عقوبه ربنا في الدنيا؟ ولا مستنيه سوء الخاتمه؟ ولا مستنيه عذاب القبر ؟ولا مستنيه اهوال القيامه؟؟ولامستنيه عقوبه ربنا في النار ؟؟مستنيه ايه؟؟
ده انتي هتتحجبي غصب عنك حجاب شرعي كامل وانتي داخله قبرك ..5 او 6لفات كفن ملفوفه فيهم !
وممكن تتحجبيه في الدنيا غصب عنك لو لاقدر الله جالك حرق ولا حاجه ؛هتبقي عايزه اي حاجه تداري بيها الحرق ده ..!!!

يــــتـــبــع

جزاكي الله كل خير
بجد موضوع جميل جدا تقبل
الله منا ومنك وجعله في جميع موازينك
الي يوم القيامه
و صبرنا الله
الي يوم لقائه
هوه و حبيبه المصطفي
صلي الله عليه وسلم
وجعلنا معه في جنات النعيم
اللهم ارحمنا فوق الارض
وتحت الارض ويم العرض عليك
اللهم امتعنا بي لزت النظر الي وجهك الكريم
اللهم غض بصري عن الحرام
اللهم ابعدني عن حرامك وقربني من
حلالك
اللهم ثبتنا عند الموت
بكلمه الشهاده
ان اشهد ان لا اله الا الله و ان محمد رسول الله