هى مصر تحب تكون لمين

هى مصر تحب تكون لمين

للصحاب والشباب الجدعين

ولا للكبار والمسؤلين

فيهم الآحزاب شمال ويمين

المتحمل يقول احنا اشتراكيين

واليسارى والاخوان المسلمين

ولا الناصر واللبرالى والسلفيين

لا بلاش اخوان وسلفيين

احسن الارهاب فى الاخوان المسلمين

ويقولو ان الجهل والتعصب فى السلفيين

مع ان العالم اجمع يتعلم منهم اصول الدين

وكمان فيها الشيوعيين لكنهم مجانين

اقولكم تكنش الدوله للآمريكان والصهاينه الخائنين

دا الجيش بيلعب بينا واحنا مش شايفين

طيب قولولى هو انا مصرى ولا منين

لو مش دى بلدى مين هيخاف عليها مين

طب الثورة راحة بينا لحد فين

مش لاقى كلام اقوله يامصريين

هنعيش حياتنا هنا ولا هنعشها فين

حد يقول الاصلح فين ولا مين

لو حد فاهم يقول ولا احنا عبط ومش فاهمين

بدئت بثورة جميله وكان الناس متحدين

قلبت بعسكر وحراميه مستخبيين

وكان اعتصام اطباء ومدرسين

بعد كده اصبح طلبه ونقابه العاملين

واخر السنه احتجاج قضاه ومحامين

هى مصر اللى وخدانا ولا وخدنها احنا على فين

العيب فى مصر ولا فينا حد يقولى يا مصريين

بقلم
gneralmaximos