الحب فى سن المراهقة

**Admin** · **Admin** السبت 28 أغسطس 2010, 3:59 pm

فى سن المراهقة لا هنقول سن الاطلاع والمعرفة لكل ما حولنا من تجارب ومشاعر واحاسيس مختلفة يعنى كلامى للناس اللى هنا فى سن الجامعة او فى الثانوى او اصغر بشوية وطبعا الناس العاقلة الكبيرة اللى هنا طبعا تدخل وتقرا وتضيف اى اضافة على كلامى اهو المهم اننا نعلم بعض ونتعلم من بعض ونستفاد برضة لاحظت فى الفترة الاخيرة انى المشاكل كلها والردود برضة من ناس لاتتعدى الـ 20 عاما واصغر واللى بيقول انا تعبان ومش لاقى حل واللى بيقول مش عارف اعيش من غيرها واللى بيقول هانتحر خلاص وكل واحد شايف مشكلتة اكبر مشكلة فى الدنيا من وجهة نظرة طبعا وكل واحد بيغنى على ليلاة وانا واثق انى هيكون فى تضارب واختلاف فى الافكار فى هذا السن الحرج سواء للولد او البنت بيهتم جدا بالمظهر العام ودة على حساب حاجات تانية وتبدا مشاعرة فى النضج والبحث عن الحب باى طريقة ممكنة ويبدا يفهم ويعرف معانى كتيرة من حولة اهما على الاطلاق المشاعر الحب العاطفة وطبعا اول ما بيدق القلب بيدق معاة ناقوس الخطر عند ذلك الشخص هنتكلم النهاردة عن الحب اللى فة السن دة طبعا كلنا عارفين انى الحب لا لية زمان ولا مكان ولا ميعاد بيجى كدة دون سابق انذار وانا من الناس اللى بترفض تسمية الحب فى هذا السن بحب المراهقة لان هذا الحب لايتعدى مرحلة الاعجاب مش اكتر لاننا كلنا عارفين فى الفترة دى المشاعر بتبقى متقلبة الى حد ما وبيكون الانسان شخصيتة اللى هيعيش بيها بقية عمرى ؟؟؟ هاسالك سؤال وجاوب بينك وبين نفسك لو انت فى السن دة ومرتبط او مرتبطة بانسان او انسانة وشوفت واحدة احلى منها واستايل عنها ودماغها حلوة عنها او البنت طبعا نفس الكلام هتلاقى نفسك بكل بساطة بتنجذب اليها دون ما تشعر بذلك ومع اول مشكلة بينكوا تخلع عارف لية ( علشان كل دة مش حب دة مجرد اعجاب ) لانى اللى بيحب بجد مهما شاف ومهما عرف بتبقى عندة حبيبتة او حبيبها مالى عينها اوى وعندة بالدنيا كلها تعالى شوف الايام دة تلاقى واحد او واحدة لسة خارجة من قصة حب وتدخل فى التانية ودة مش فى سنك انت لوحدك ! لا دة بقى يحصل مع الناس الكبيرة العاقلة كمان اللى مفروض هيبقوا مسئولين عن اسرة كاملة وهيفتح بيت مابالك انت بقى وفى سنك الصغير دة قولى بقى بينك وبين نفسك فكر فيها واحسبها كويس متخافش واجة نفسك انت احسن بدل ما حد تانى يواجهك فكر براحة كدة وقولى يمكن متقتنعش بكلامى ويمكن تقتنع بس المهم انك تفهم وتعرف طبعا فى ناس هتقولى لا انا بحبها بجد هاقولك جايز مش مجرد اعجاب يعنى ماشى مصدقك ومعاك اقولك يمكن نسبة ضيئلة جدااا بيحصل معاهم دة وممكن الحب دة يكمل بس لازم يكون فى شرط هنا العقل ثم العقل ثم العقل هاقولك لية علشان الحب ببساطة كدة مش ماسكة ايد ولا كلام بقولة وخلاص ولا وعود فى الهوا ولا خروجة او فسحة فى مكان عام ولا انى اقول لاصحابى انا بحب فلانة لا يا باشاااا الحب اسمى وارقى من كدة بكتيرررر الحب اهتمام الحب احساس راقى الحب اخلاق الحب سلوك جميل الحب عطاء الحب اخلاص الحب وفاء وحاجات كتيرة الحب وعد كلمة بنطقها ببقى قدها مسئولية من يوم ماا رتبط بالانسانة دى هاعمل علشانها اية هبقى اية فى نظر اهلها هاتقدم ازاى هاجيب شقة ازاى هاسعدها ازاى هابقى اية وعايز اية كل دة طبعا انت مش بتفكر فية ممكن تكون عرفو وي عامل نفسك نسي ومتقولش لا الحب انك تدى ومش تستنى المقابل من اللى بتحبة الحب اشياء جميلة اوى طيب اتكلمنا فى الحب والمشاعر تعالة اقولك حاجة اية اللى بيخليك برضة وانت فى السن دة تقعد تقول مفيش حب وكل البنات خاينة وكل الاولاد وحشين ما انت من شوية كنت بتحب وبتتحب لا طبعا لما يوصل بيك الحال لكدة يبقى فين عقلك ما هى هى وعندك حق برضة ما انت اللى اخترت واختيارك كدة مش عايز اقول بنيت احلامك على حد مش مسئول عن كلمتة تبقى ترجع وتقولى مفيش حاجة اسمها حب لا بقى اسمحلى انت غلط وتفكيرك غلط وبكرة تفهم دة وتعرفة لوحدك ما انا مش عايزك توصل لدة بشوف ناس كتيرة اوى فى السن دة تقول اية للناس اللى مرتبطين بيهم لو النهاردة مش قابلتينى كل شئ بينا انتهى وناس تانية تقول انتى مش كلمتينى النهاردة ولا رنيتى عليا يبقى انتى مش بتحبيبنى وناس تالتة تقولك انتى كلمتى قريبك او صاحبك فى الجامعه او جارك وانتا فاهم الباقى طبعا وبيصدق اى كلام عليك طيب بذمتك دة منطق او طريقة تفكير هتقولى لا مش انا الكلام دة مش بينطبق عليك طيب ما احان شوفنا المشاكل اللى هنا وقد اية الناس متعذبة بالحب واشياء كلها لاتذكر والاقى ناس داخلة تقول انا مش عارف اعمل اية وتبص تلاقى المشكلة ولا حاجة يا جماعة احنا مش عاوزين نوصل لكدة ولو انت مرتبط بواحدة هتلاقى اللى احسن منها هتجرى عليها وتسيب
دى بسهولة وحياة ابوك ما تقولى لا انا مش ضدك والله انا معاك وجنبك وبفهمك حاجات غايبة عنك الحب انك تحب الانسان دة لشخصة مش شكلة لا الحب محتاج وعى تفكير سليم ابقى عارف انا رايح فين وجاى منين مش عايز اقول كل الشباب والبنات اللى فى السن دة (المراهقة ) واسف انى بقول عليهم كدة مش بيكونوا على دراية كافية بامورهم ولا عارفين مصلحتهم كويس ولا عارف شكل الحياة عاملة ازاى ولا مستقبلة بيخخط لية ازاى كل اللى فى دماغة احب واتحب واخرج واتفسح وامسك ايدها حبة وناكل لقمة على السريع ونشرب حاجة ساقعة وبعد كدة اعمل جدع واوصلها والحياة حلوة اوى اوى معانا ومعاها ومية مية وانا كدة عايش ومبسوط اوى ويا سلام بقى لو كانت معاك فى الجامعة كدة بقت فل اوى واضمن انى اشوفها كل يوم وارسم فى قلوب وسهمين واقول وتعلم شوية كلام حلو واحفظلى كام اغنية رومانسية علشان اول ما اشوفها ابص فى عيونها واقولها مش دة اللى بيحصل ولا انا غلطان يا باشا ويا قمر منك ليها وبعد كدة بقى تحصل الكارثة اللى هى من وجهة نظرة والمشاكل تكتر وكل يوم نشوف هنا فى القسم مشكلة اغرب من التانية الخلاصة بقى علشان انا طولت عليكوا وانتوا اكيد زهقتوا منى وهتزعلو من كلامى ويمكن ميعجبش بعضكم بعد كدة الواحد يبدا فى النضج وتفكيرة يختلف وتيجى بقى تفكر فى كل اللى فات هتلاقى ولا كان لية اى قيمة ولا كان حب من اصلة وتفضل تضحك على نفسك كان كلة مشاعر اة لا تتعدى الاعجاب يمكن برئية اة معاك انا مش ضدكوا والله ولا ضد الحب فى السن دة لا ياعم والله حب واتحب براحتك بس مش عايز يجى عليك اليوم واللحظة اللى تقولى فيها انا هانتحر خلاص ومش عارف اعيش من غيرها ومش قادر اعيش ومفيش حاجة اسمها حب ولا عارف اكل ولا اشرب وتقريبا بقيت شبة محطم والبنات كلهم وحشين وغدارين والاولاد كلهم وحشين وملهمش امان وكلام كتير كل دة ولا لية اى قيمة وبكرة هافكرك وتقول محمود المصري قال بس ربنا يديلك ويدينى طولة العمر وخليك فاكر دائما انا مش ضدك بالعكس انا معاك وبحاول اقنعك ويهمنى مصلحتك واوعيك مش اكتر ولا هاخد منك حاجة ولا عايز منك ان ترد وتقولى كلام عايزة منك تفهم كلامى وتخلية فى دماغك كويس اوى بكرة تقول علية كان مجرد حلم وانا بقى مش عايزك تبنى حياتك ومستقبلك على احلام ياما تتحق او مش تتحق ؟؟؟ انا مش مستنى منك رد انا عامل الموضوع دة وعارف انى الردود هتبقى مش كتير لانى نص اللى بيدخلوا هنا فى السن دة بس انا عاملة علشان افهمك واوعيك مش اكتر يا صديقى ويا اختى الغاليه اوى وتقبلوا خالص تحياتى

**مستر هدهد** · 28/03/1988

معذره يا بومبي مفيش ف سن المرهقه دى عواطف بتبداء تتحرك فقط الحب فى سن المراهقة 411

**ملكه الاحساس** · 17/04/1980

كلامك صح طبعا وربنا يحمى كل اخواننا واخواتنا من كل سؤء

**Angel Love** · 29/07/1994

كلامك صح يا محمود
بس الحب هو افعال وليس اقوال,الحب تضحيه
وفعلا الشباب دلوقتى عندهم مفهوم الحب غلط تماما
بس صدقنى ممكن يكون فى حب فى سن المراهقه بس مش كتير وبيكمل لحد النهايه
هو فى الاول والاخر بيكون حسب التفكير والدرايه بما حولنا
وده بيتوقف على الاحتواء داخل الاسره,الام لبنتها وكده يعنى
وربنا يحفظنا ويحفظ كل البنات يارب