دى بلدى مصر وبحبها

**gneralmaximos** · **gneralmaximos** الأحد أبريل 17, 2011 3:46 pm

مصر
طيبه وحنان دى كلها
عشان بلادى وبحبها
بحلوها وبمرها
وبقمرها وشمسها
ناس كتير فيها عايشه كويسه
وفيها برضو ناس بتاكٌل بعضها
وناس زى الحمام بتأَكَل بعضها
ماهو كل بلد فيها حلوها ومرها
اعمل ايه بلادى وبحبها
دى بنت مصريه بملامح وشها
على شط نيلها وشاب واقف جنبها
اكيد بيحبها
مع انه عنده هموم كت
وشايلين فوق دماغهم هم الدنيا كلها
جربت تمشى فى الشوارع وضلها
جربت تمشى على شط نيلها
تاكل دره وتشوف وشوش الناس وضيها
طب وانت ماشى ووقعت فـ مشكله
مش بتلاقى الف واحد بيحلها
لاتعرفهم ولا يعرفوك
اهى دى مصر واهلها
لو مره وانت ماشى فى اى حته
تلاقى الف واحد بيبتسملك زيها
بلدى يا ناس وبحبها
ظالمه ضلمه مش مهم
اهم حاجه طيبه اهلها
دى بنت ماشيه وحاطه ورده فى شعرها
ودى بنت القمر يشهد لها
ودى بنت جد ورايحه شغلها
فيها الجوامع والكنايس عايشين فى ضل بعضها
مسلم مسيحى اخوات
شاربين من نيلها وعاشقين ارضها
أمانه تقولولى
تلاقو فين بلد زيها
فيها كل حاجه تخليك تحبها
هتقولى ظالمه هقولك برضو بحبها
تقولى ضلمه اقولك ده سواد شعرها
ولو فضلت اقول واعيد فى حسنها
عمرة فى يوم ما وفيها حقها
جربت فـ يوم تساعد عجوز
وتشوفها بتدعيلك من قلبها
جربت فـ يوم تجوع وتحرمك من أكلها
دى مصر يا ناس وبحبها
شفت المعالم والحضاره فـ قلبها
تاريخ وشعب بيحكو اصلها وفصلها
رحت الجنوب والشمال وسينا بطهاره ارضها
جرب تشوف عامل بسيط بملامحه الجميله
وهو خارج يسعى فـ ارضها
جرب تشوف الناس من قلبها[
متحكمش عالظاهر وفتش عنها جميله بلدى وبحبها
تقولو عاشق تقولو فاضى تقولو قاضى
هفضل احبها
ولانى عايش بعيد عنها
حاسسها بتنادينى بقلبها[
امى وابويا واختى واخويا حلوين برضوا زيها
عاشق ترابك يا بلدى
ومهما اقول واعيد ماوفيهاش حقها

دى بلدى مصر وبحبها

دى بلدى مصر وبحبها

للمشاركة انت بحاجه الى تسجيل الدخول او التسجيل

التسجيل

تسجيل الدخول