قصه حب مريم واسلام قصه بجد رووووعه

جميله موووووووووووووت كملى بسرعه

كملى بسرعه وتسلم ايدك

يابنتي هو مفيش غيرك في المنتدى
المفروض الاقي تشجيع علشان اكمل
وبعدين شل القصه اساسا مش عجباهم
مشكوره على مرورك ياقمر

لالا بالعكس
القصه رووووعه كمليها كمليها
مستنيه يقيتها بفارغ الصبر

اوكى حبيبتي هنزل حلقه عشان خاطرك وتقديرا لمرورك

شكراً

فعلا يانور القصه تحفه
انا قرأتها قبل كده
وكنت مستنياكي تكمليها
يلا بقه كمليها واحنا مستنين

انا اسفه بجد لاني منزلتهاش لحد دلوقتي
سامحوني
هنزل حلقتين انهارده علشان تاخيري عليكم
ويلا بقى عايزه تشجيع

الحلقة الـتاسـعه


مريم : خلاص مش هزعل قول انت بس
"م : ممكن يكون هيقولي بحبك مهو الي عملو النهارده اكبر دليل على كده يارب .....طيب انا هقلو اية
استني بقى ماتستعجليش شوفي هيقول اية

اسلام : بصي الكلام الي بقولو ده عشان مصلحتك مش عشان حاجة تانية مريم ..... انتي مش
بتحبيني
مريم : انا و...و مين قالك اني بحبك
اسلام : لو سمحتي سيبيني اكمل كلامي
مريم : اتفضل
اسلام : مهو مافيش حد يحب حد ويقولو انا بحبك اوقات واوقات بحس انك انتيمي ده مش حب ده مجرد
انك مرتاحة ليا مش معتبراني اكتر من صديق او انتيم زي ماقلتي مش اكتر من كده مريم عشان خطري
بلاش نتكلم في المواضيع دي عشان انتي عارفة انا جوايا اية وكفاية اوي اني اتجرح مرة مش هستحمل
اتجرح تاني
مريم والدموع ماليه عنيها : خلصت كلامك
اسلام : اه
مريم : طيب اوك باى
وسابتو وجريت برا الجامعه كان نفسها اي عربية تخبطها نفسها تموت عوزة تعيط جامد احاسيس
كتير كانت جواها ومش عارفة تعمل اية بقت ماشية وعينيها بتدمع وكلامو عمال يتردد على ودنها
انتي مش بتحبيني انتي مش بتحبيني
واول مادخلت قوضتها لما صدقت رمت نفسها على السرير واعدت تعيط جامد
"م : هو لية عمل كده طيب منا قلت كده عشان مش يبعد عني ..... وبعدين هرجع اكلمو ازاي
هبصلو ازاي بعد كلامو ده .... هو انا هفضل اتعذب كده كتير بسببو لا انا لازم ابعد عنو خلاص انا
تعبت بجد خلاص مش هقدر اكمل

وقامت بعدها تاخد دش يمكن تفك شوية وترجع كويسة وتنسى كل الي حصل النهارده وبعد ماخرجت
كانت فعلا انسانة تانية خالص رجعت تدحك تاني وكانت مبصوطة اوي كانها فعلا نسيك كل الحجات
الوحشة الي حصلت وماكنتش فاكرة غير حاجة واحده بس ان اسلام بيغير عليها وانو باس ايديها غير كده مش فاكرة اي حاجة
دخلت قوضتها وفتحت الاف ام واعدت تقلب في كشكولها وكتبها وتشوف كل الكلام الي كانو بيكتبوة
مع بعض بتشوف خطو وكلامو حست وقتها انها اعده معاه بقت تقراء الكلام وتدحك على الموقف
الي حصل وقتها
في الناحية التانية كان اسلام قافل على نفسو القوضة ومش عاوز ولا ياكل ولا يكلم اي حد
"س: هو انا اية الي عملتو ده انا بجد جرحتها اوي .... ده كده ممكن اخسرها على طول ومانتكلمش تاني
منا جرحتها جامد ... بس كان لازم اقولها الكلام ده عشان ماتفتكرش ان الي جواها حب لانها هيا
مش بتحبني اصلا .............. يوة بقى وبعدين انا هعد اكلم نفسي كده كتير ....طيب مانزل اكلمها
لالالالالالالالالا دي ممكن تقفل السكة في وشي انا بكرة هعتذرها عشان بجد جرحتها جامد
بس يارب تكون كويسة وماتكونش عملت في نفسها حاجة .......... لا انا كده هتجنن رسمي
انا انزل الجيم شوية اطلع كل الي جوايا في الحديد
لبس اسلام هدومو ونزل جري على الجيم وطلع فعلا كل الي جواة في الحديد شال اكتر من طاقتو
لحد ماتعب وبقى مش قادر يقف اصلا روح البيت وهو ماشي
"س: انا خايف عليها بجد عاوز اكلمها اطمن بس انها كويسة طيب روحت ازاي طيب نامت ولا لسة
لالا خليها شوية لحد ماتهدى وبكرة نتكلم عشان ماجرحهاش اكتر من كده
كان كل مايشوف سنترال يقف شوية عاوز يدخل يتكلم وفي الاخر يمشي من جمبو من غير مايدخل
لحد ماوصل البيت اول مادخل
جوجو : اية يابني مالك شكلك مش طبيعي
اسلام : لا مافيش حاجة
جوجو : على فكرة جالك تليفون
اسلام : بجد من مين ها من مين
جوجو : ومالك فرحت اوي كده
اسلام : جوجو اخلصي بدل مابهدلك
جوجو : ماشي وحده اسمها ...... اسمها ......
اسلام : اخلــــــــــــــــــــــــــــــــــــــصي اسمها اية
جوجو : بس بس بشويش كده اسمها هدى
اسلام : اي حد يكلمني انا مش موجود مخمود او مت اي حاجة مش عاوز اكلم حد خلاص
جوجو : طيب اهدى بس حاضر مش هحولك اي مكالمات
اسلام : جوجو ربنا يخليكي انا بجد مش طايق تهريج ولا عاوز اكلم حد
وسبها وجري على قوضتو وقفل على نفسو الباب وفضل يفكر في مريم والي عملو فيها لحد ماراح في النوم من التعب

وفي الناحية التانية مريم اعده مبسوطة على الاخر وعمالة تكتب اسمو وتتفرج على كتبها وتدحك
لحد ماجت اغنية بهاء سلطان تحدي اول ماسمعتها قامت تتنطط واعدت تغني معاه (انت واخدها معايا تحدي
في الحب فاكر نفسك قدي ... دنا حبي اكبر من غير ماكتر اسمعني خلي اليوم ده يعدي حبيبي دنا
قدك ميت مرة صدقني بقى ولا اسال برا صدقني يلي على طول عاملي قال اية فاهمها وهيا طايرة)
ومسكت كشكولها
ومسكت القلم واعدت تكتب
كتبت خاطرة صغيرة اسمها اعذرني سيدي
اعذرني سيدي فانت مازلت تجهل بمشاعري اعذرني سيدي فانت لاتعلم ما بقلبي
اعذرني فانا لا اسمح لك انت تحكم على مابداخلي بهذة القسوة فهذا شيء لا يخصك
ان تحكم علية مع انه يخصك انت فانا لا اسمح لك بان تجرح قلبي وتحكم علية بموت او بموت
فما بداخلي لم يصلك بعد لم تشعر به مازلت تجهل بة فاعذرني انا لا اقبل حكمك هذا لانه ظلم
لقلب وهب لك كل احساسه وهب لكل كل مشاعرة واهاته فاعذرني سيدي انا لا اقبل حكمك

بعد ماخلصت قامت طفت النور ونامت كانها طلعت كل الي جواها في الكلمتين دول كانها شالت كل الهم
الي في قلبها في الكلمتين دول ...........وتاني يوم راحت الجامعه وهيا طايرة من الفرح وعمالة
تغني الاغنية حسيت ان الاغنية جاية مظبوط عليها هيا واسلام واول ماشفتو
مريم : اهلا اهلا ازيك ياباشا
اسلام : تمام الحمد الله انتي..... انتي عاملة اية النهارده
مريم : تمااااااااااااااااام الحمد الله احسن من كل يوم كمان
"س: اكيد بتعمل كده عشان تحسسني ان الكلام بينا انتهى واننا صحاب وبس مش اكتر ربنا يستر
مريم : اية ياعم انت رحت فين
اسلام : ها.... لالا موجود
مريم : مممممممممم طيب ممكن اوريك حاجة حلوة
اسلام : ماشي وريني
مريم : تعالى بس نخرج برا المدرج
اسلام : طيب اوك
خرجو هما الاتنين وقفو برا واسلام دماغو عمالة تودي وتجيب مش فاهم تصرف مريم خالص
بعد ماخرجو قامت مريم اديتو الكشكول بتاعها
اسلام : اية ده
مريم : اقراء بس دي وقولي اية رئيك
اعد اسلام يقراءها وهو مش مصدق نفسو
"س: ده كده ....معنى كده اية ..... ان كل كلامي غلط ..... يعني هيابتحبني .....بجد بتحبني
اسلام : مريم بقلك اية
مريم : ايه
اسلام : امشي دلوقت حاااااااااااااااااااالا من قدامي
مريم : لية يعني
اسلام : بصي لو مامشتيش دلوقت ممكن يجي امن الجامعه وياخدني انا بسببك
مريم : هههههههه لية يعني
اسلام : مافيش ممكن اعمل فعل فاضح في الطريق العام
مريم : والله هتعمل اية يعني
اسلام : هحضنك بجد مش بهرج والله
مريم : يا سلام قال يعني انا هسكتلك
اسلام : انتي لسة بتتكلمي اقلك خلاص امشي انا خليكي اعده هنا
مريم :
دخل اسلام المدرج بسرعه
"م : هو اكيد كده فهم انا عوزة اقولو اية ومعنى الي عملو ده انو هو كمان بيحبني اكيد والا كان قالي
ماينفعش وسبني ومشي معنى كده انو هو كمان بيحبني
دخلت مريم المدرج ولقلتو واقف مع اصحابو ووقفت هيا مع اصحابها وكل شوية تبص لاسلام وتلقية بيبصلها
فتبتسم وتبص في الارض وهو كل مايبصلها يلاقيها بصالو فيبتسمو لبعض ويكملو كلامهم مع اصحابهم
لحد مابدات المحاضرة والدكتورة جت وطبعا اعد اسلام جمب مريم زي كل مرة بس كان المره دي
قلبهم هينط من الفرح نفسهم تقولو لبعض انا بحبك نفسهم يقولو للدنيا كلها انهم بيحبو بعض
بس مش عارفين يعملو اية
"م : انا مش قادرة خلاص انا بجد لو ماقلتهاش دلوقت هيحصلي حاجة مش قادره خلاص ..... يابنتي اهدي شوية مش كده نسيتي كلام خالك مش قلك ماتقوليش لحد ماهو يقلك اكيد هو
فاهم اكتر منك ماتتجننيش وتعملي حاجة تندمي عليها ....... منا لو استنيت لحد هو مايقول
ممكن اموت فيها انا خلاص مش قااااااااااااااااااااااااااااااااااااااادرة هيحصلي حاجة كده كتير منا لازم
اقولها دلوقت بجد مش قادرة والله...... مريم اعقلي وماتتجنينش .....لا خلاص هقولها ...طيب هتقوليها ازاي بقى
اه صح .......اه هكتبها في الكشكول واديهالو واشوف هيقول اية ........انتي حرة اعملي الي انتي عوزاه يامجنونه
اه هعمل الي عوزاه وانا فعلا مجنوووووووووووووونة
مسكت مريم القلم وايديها بترتعش جامد وكتبتلو
بص بقى عاجبك ولا مش عاجبك انا بحبك
واديتو الكشكول اعد اسلام متنح شوية في الكشكول وعمال يقراء الكلمة مرة واتنين وتلاتة مش مصدق نفسو
"س: طيب اعمل اية دلوقت انا مش عارف ...... اقول اية ولا اعمل اية ....

استنواااااااا الحلقه الجايه

الحلقة 10



لاحظة مريم سكوت اسلام
"م : خلاص يا اسلام انا كده فهمت مش عارف تتكلم ولا عاوز
تجرحني وتقولي احنا صحاب بس ...... خلاص مش مستنة
منك حاجة انا فهمت
لفت مريم وادت اسلام ضهرها شوية وحطت ايديها جمبها على الكرسي

وفجاءة ......................................


حست بان ايديها اتشالت من جمبها ..... وجسمها كلو بقى يتنفض
لقت ايديها في ايد اسلام وقتها بس فهمت الحقيقة ماكنتش مصدقه
نفسها لاول مرة تحس ازاي الايد بتتكلم وتقول كل حاجة
حست بلمست ايدية وهيا بتقولها بحبك لاخر لحظة فعمري
وعمري مابعد عنك تاني دنا ماصدقت لقيتك .... بعد كل ده
مريم مابقتش قادرة تتكلم وايديها كانت بترتعش جامد حست
ان قلبها هيقف .....مش قادرة تاخد نفسها حست انها خلاص
هتموت دلوقت حالا ..... كل الي بتعملو انها ساكتة ومتنحة
مسكت القلم بالعافية وكتبت لاسلام

مريم : انا بجد مش قادرة استحمل ممكن اموت

اسلام : بعد الشر عليكي انتي مدايقة عشان مسكت ايديك

مريم : احمر وشها وبصتلو وهزت رسها بكسوف لاء

ابتسم اسلام لمريم وحضن ايديها جوة ايديه جااااااااااامد اتنهدت مريم وبتسمتلو
قطع اللحظة الرومانسية دي الدكتورة وهيا بتقول

الدكتورة : خلاص ياجماعه كده المحاضرة خلصت واتمنى منكم انكو
تركزو شوية عشان الامتحانات خلاص قربت

طبعا قام نص الطلبة الي ورا يجرو على الباب والدكتورة لسة بتتكلم

الدكتورة : اه معلش ياجماعه ارجعو مكانكو عشان اقلكو اية المقرر والملغي

طبعا كان وصل صحاب اسلام الي ورا عند الباب وكان اسلام وقف وخرج برا
البنش ومريم اعده على اخر البنش ولما قالت الدكتورة كده كسلو صحاب
اسلام يرجعو ورا تاني فقالو يعدو قدام فدخل واحد من صحابهم اعد جمب
مريم ودخلو لجوة خالص ودخل الباقين كلهم البنش وكان اسلام اخر واحد
وجمبو بنت من صحابهم بقى اسلام هيموت من الغيظ

"س: يعني هيا حبكت دلوقت المقرر والملغي مكان قولتية من الصبح
وبعدين بقى والي اعد جمبها ده اعمل فية اية ده اصلا معجب بيها جدا
وهو قالي كده يالهوي ..... دول بيدحكو كمان شكلي هصور قتيل النهارده

وفي الناحية التانية مريم عمالة تدحك جامد عشان مايبنش عليها انها هتموت من الغيرة

"م : ودي اية الي اعدها جمبو دي ياربي بقى يعني حبكت مهم كلهم ولاد جت على دي
ولزقت جمبو صحيح معندهاش دم تعد جمبو لية بقى

وكل شوية اسلام يبص على مريم وهيا كمان تبص علية صحيح كانت خمس دقايق
بس عدت على الاتنين خمس سنين واول ماخلصت المحاضرة جري اسلام ووقف
قدام مريم وصاحبو الي كان جمبها اتبسطت مريم جامد ونطت من على البنش وخرجت
معاه وهما مشين

نيهال: اية ياعم اسلام جريب بسرعه لية مش قلت انك هتوصلني

"م : ودي اية دي كمان هيوصلك اية ياختي لية كنت يمين .........اه عشان
كده جت لزقت جمبو مااااااااااااشي يا اسلام من اولها كده طيب

اسلام : اه طبعا يانيهال انتي تامرى بس والله وعدت مريم اني اوصلها للمحطة
وبعدين انتي معاكي وائل وعمر والناس كلهم وكلكو طريقكو واحد معلش عديها المره دي

مريم بغيظ : لا وعلى اية مش مشكلة روح وصلها عموما عمر واحنا في المحاضرة
قالي الوقت اتاخر وانا اروحك

اسلام : والله بقى كده

نيهال : اية ياعم انت وهيا واخرتها ............... اقلك ولا انت ولا عمر ولا وائل
انا هروح لوحدي سلام

"م : يكون احسن برضو اوووووووووووووف دنتي لزقة

اسلام بنرفزة : حضرتك شيفاني كيس جوافة حلوة دي عمر يوصلك لية ياماما
كنت مت ولا حاجة

مريم وهيا هتموت من الدحك : لية يعني هو انت مسؤل عني كل يوم توصلني ولا اية
انا قلت اريحك شوية

اسلام : والله لا متشكر اوي مش عاوز ارتاح ويلا قدامي بدل ما............. اهو والله

مريم : بدل ما اية بقى ان شاء الله

اسلام : بدل ماحضنك ... امشي كده وانتي حلوة يلا يا بنتي

مريم : هههههههههههههههههه ماشي يا بابا

مشيو هما الاتنين واديهم في ايد بعض وكانو طيرين هما الاتنين من الفرح ووصلها لحد ماركبت
وهيا في التاكسي اتصلت على صااافي

مريم : اهلا ياقطتي .... اخبارك

صافي : تمام الحمد الله يابيبي

مريم : انتي في البيت

صاافي : يعني هروح فين ياحسرة

مريم : طيب انا هعدي عليكي دلوقت اوك

صافي : اوك ياقمر باى

مريم : ماشي باى

وفي الناحية التانية كان اسلام ماشي وسرحان

"س: انا مش عارف انا اية الي عملت وده انا صحيح معجب بيها بس
لسة ماحبتهاش او .....او لسة مانستش مريم وانا مش عاوز اخونها دي انسانة
حساسة اوي مش عاوز اوريها الي شفتو ..... يارب انا من النهارده مش هفكر في مريم
تاني مش عاوز افتكر أي حاجة منها ولا عاوز اعرفها اصلا ولما تتصل مش هرد عليها
بس يا ترى هقدر ابعد عنها .............يارب

اول ماوصلت مريم عند صاافي اديتها المقرر والملغي واعدو يتكلمو عن الي حصل

صاافي : مممممممممممممم بصي يا مريم هو الي حصل اليومين الي فاتو دول بيقول انو بيحبك
بس ماتنسيش انو لحد دلوقت ماقلهاش صريحة يعني من الاخر هو لسة مش متاكد من حبو ليكي
او مش عارف هو بيحبك ولا لاء وانتي كمان غلطانة عشان قولتيهالو دلوقت المفروض كنتي
استنيتي لحد ماهو يقولها ...بصي الولاد لما يلاقو ان في بنت بتحبهم اوي وبتعملهم كل حاجة
بيتسلو بيها شوية ويسبوها أي حد عموما فينا كده لما يحس ان في حد بيحبو وبيقرب منو
بيفتكر انو بيبحو برضو وفي الاخر بيفوق ويلاقي نفسو انو مش بيحبو

مريم : انا عارفة كل كلامك ومش بقول غلط بس عارفة حسة اني طايرة فوق مش عاوزة افكر
في حاجة غيرو وغير اني بحبو انا مش مستنية منو حاجة ولا حتى عوزاه يقولي بحبك
مش عاوزة منو حاجة غير اني احبو من بعيد وبس

صافي : مريم انتي كده بتعذبي نفسك عمرك ماهتقدري تستحملي كل ده

مريم : مش عارفة بجد اعمل اية بس انا دلوقت مبسوووووووووووووووووووووووووطة

صااافي : ايوة ايوة علي صوتك كمان صحي الجيران .....اهمدى شوية انا مبصوطة انك
فرحانة بس برضو فكري يا مريم مش عوزاكي تندمي في أي لحظة ولا تزعلي بسبب أي حد

مريم : حاااااااااااااااضر هفكر وهشوف تصرفاتو بيحبني ولا لاء
استنوني الحلقة الجاية