[b]سلام عليكم ورحمة الله وبركاته
اليوم عاوزه اناقش معاكم مشكله مهمه جداا
وهى
الموضه
اصبحت الموضه والتطور وتقليد الغرب مشكله كبيره نعانى
منها وتقتحم علينا حياتنا
دون استأذان
للأسف اصيبنا بالتقليد الاعمى دون ادنى تفكير او وقوف مع
انفسنا ان كان يناسب البيئه والمجتمع ودينا واخلاقنا ولا لاء
مش معنى كلامى اننا نتأخر وما نواكب العصر لاء بالعكس
نكون متقدمين فالشيىء النافع والمفيد ومظهرنا يكون تمام بس اللى يرضاه به دينا
ومجتمعنا مش معقول
كل شيى نشوفه بدول الغرب نقلده يمكن مناسب ليهم لكن
لينا لاء
بالله عليك يااخى ويااختى ال بنشوفه من ملابس البنات
والشباب راضيين عليه
يعنى لو انتى بنت ترضى ترتبطى بشاب لابس بنطلونه ساقط طب شكلك هيبقى ايه لو سقط منه
وفاتح الجميس وفرحان بشعر صدره
وطبعا كل ده تحت مسمى انا (( راجل ))
وأيزى
ونسيت ان مظهرك بيدل على نخوتك ورجولتك واحترامك
بزمتك ده منظر
راجل
وانت ترضى لاختك او حببتك حد يشوف جسمها وتبقى ماشيه ومشبه بالكاسيات العاريات
فين دينا فين اخلاقنا
مااعتقد ان الدين والاخلاق والتربيه الشرقيه تسمحلنا بده
وفين كلام الله عز وجل
( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما )
فين كل ده فين حجابك اصلا دلوقت بقينا بنشوف حتى المحجبات انك تغطى شعرك بس. طب والباقى هو الحجاب انك تحجبى النظر على شعرك بس؟ اظن الحجاب وهو معناه الصحيح حجب النظر لاى شيىء يظهر او يفتن نظر الاخرين
حرام علينا بجد نظلم الحجاب معانا
ويبقى اسمنا محجبات واحنا لسنا بذلك
ياجماعه بجد انا مش ملاك ولا حجابى كامل يعنى مش بلبس( خمار ولا نقاب) بس مش بظهر بشكل يلفت النظر ليا ولا لجسمى ولا ارضى انى اكون من الكاسيات العاريات
ولا ارضى بردو لاخويا يخدش حياء البنات بطريقة لبسه
وفى النهاية انا طرحت الموضوع بصورة بسيطه وعاوزه رايكم
انت/ى هل مع الموضه وال بيحصل فيها ؟ وتقليدنا لاى حاجه نشوفها تحت مسمى الموضه؟
تحياتى لكم
