نفسى يا بكرة تيجى
جايب معاك فرحتى
وشايل عنى وحدتى
ومعاك احلى حب
يملا عليا دنيتى
ويخلى البسمة دايما
عايشة على شفايفى
ومعاها بهجتى
نفسى يا هوا
يا اللى مالكش دوا
يا تسيب قلوبنا لوحدها
يا تيجى ومعاك الدوا
لا فى يوم اشتكينا
ولا عند حد بكينا
لكن دايما عنيننا
مجروحين متعلقين بالهوا
طيب يا ناس من هيرحم
عنينا
نفسى يا بكرة
تكون حنين وعلى الغلابه تميل
وتسال تشوف هو ايه همهم
ويمكن تلاقى عند كل واحد منهم
حلم صغير يمكن يريح قلبهم
ويلا يا بكرة تعالى بلاش تحير قلبنا
يعنى ايه مش عاوز تفرحنا
وبايدك مدوخ عقولنا
ومن غير رحمة بتعذب نفوسنا
عارف انك غريب يا بكرة
ومحدش ابدا بيعرف مخبى ايه
يبقى لازم تحيرنا وتشاغل كل ارواحنا
طيب خلاص مش هازعلك
بس امانة عليك تيجى يا بكرة
تصالح قلوبنا وتهدى شعورنا
وتدى كل واحد فينا
حبه ودواه وحلمه وهواه
اااااااااااه منك يا بكره
