السلام عليكم ورحمة الله وبركاته

طبعا الجملة اللى بدأت بيها الموضوع استفزت ناس كتير بس بأمانة
مش بنسمعها كتير؟

والغريبة ان نفس البنت دى اللى بتقول انا صغيرة على الحجاب
هى نفسها اللى بتزعق وتقول لباباها هاتلى الموبايل انا ما بقتش صغيرة وكل صحابى معاهم موبايلات!


وهى نفسها اللى بتتخانق مع مامتها عشان عايزة تخرج مع صحباتها لوحدها ومامتها مش راضية
وطبعا الرد انا مش صغيرة انا كبيرة!


وهى نفسها اللى لو اخوها عرض عليها ييجى ياخدها وهى راجعة من الدرس
بتقوله انا اعرف اتصرف لوحدى انا مش عيلة صغيرة!


وهى نفسها اللى لو جالها عريس وحد من العيلة اعترض عليه بتقول
انا عارفة مصلحتى كويس انا مش صغيرة!


والحقيقة اللى لازم كل بنت بتقول كدة تبقى عارفاها انها بمجرد وصولها لسن البلوغ
ما بقتش صغيرة وفرض عليها الحجاب
وحتى لو مافيش حد ينصحها بيه
هى مسئولة عن نفسها امام الله