طبعا مش كل يوم لحمه وفراخ الرحمه شويه كلنا زهقنا من البيض التقليدى (المقلى والاومليت والمسلوق )
جبتلكم النهاردة طريقة جديدة .
طريقة الشكشوكة بتاعتى وهى حلوة اوى اوى
كلنا نعرف الشكشوكة بالبيض والبصل والطماطم
دى بقى مقاديرها :
بيض
3:4 فصوص ثوم
1طماطم كبيرة او لو مش بتحبو الطماطم كتير تبقى صغيرة
1 فلفل اخضر وممكن يكون حارحسب الرغبة
ملح وتوابل حسب الرغبة (كمون وفلفل وبهارات )
-الطريقة :
نفرم الثوم ونقطع الفلفل و الطماطم قطع صغيرة
نجيب طاسة ونحط فيها شوية زيت ونضع الثوم لما يصفر شوية نضع الفلفل لحد ميدبل وبعدين نحط الطماطم ونتركها تنزل ميتها ونضع التوابل عليها والملح ونسيب شوية مية فيها منشفهاش اوى وبعدين نضع البيض عليها ونقلبها لحد مالبيض يستوى كلة وتتاكل سخنة
وصدقونى والله حلوة اوى وكمان شكلها حلو الوانها كتير الاولاد يحبوها
وممكن تتعمل فى الفطار او فى العشا
وارجو انها تعجبكم وتقولولى ردكم عليها وتجربوها
