قبل لا تقروئها لازم تعرفون قصه القصيدة.... واحد اسمه
خالد جاه مرض و قالوله ان ايامه معدوده كتب هذه القصيده لصديقه يقول له فيها انه يحب
حبيبته و يبي من خويه هذا انه يخليها تنساه اقروا القصيده والله تستاهل .... وراح تعرفوا
معنى الحب الصادق
وصياتي لك من بعدي ........ تموت فيها علشاني
ابيها تعيش و تحيا بك ........ واظل بالذاكره مفقود
وصياتي لك تنسيها ........ ملامح وجهي و تنساني
وتعزفها قصيدة حب ........ على عكس اللي عزفته بعود
وصياتي لك تبعدها ........ عن اشعاري وقيفاني
تراها مغرمة بالحيل ........ ويشهد لي عدد الردود
وصياتي لك تسايرها ........ ترى فيها من احزاني
طلبتك لايضيق بالك ........ طلبتك والطلب مردود
وصياتي لك تناديها ........ حياتي..عمري..ازماني
انا عودتها دايم ........ ادلعها وانا موجود
وصياتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصياتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصياتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصياتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصياتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصياتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصياتي لك تسفرها ........ بلاد الشام و لبناني
رى يحلالها تقطف ورده ........ وردة من بلد الورود
وصياتي لك تراقصها ........ على الحان رحباني
ترى فيها عرق خالة ........ وفيها من جنون السود
وصياتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصياتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصياتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصياتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصياتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
