هكلمكوا عن طريقة تطفش العرسان الرخمة "هو بقى فى عرسان أصلاً ده تقريبا أنقرضوا " هههههههههههههه اختارى الطريقة اللى تناسبك من الطرق اللى جاية دى
1. أعملى فيها صنم: أقعدى ساكتة متكلميش وكانك فى عزا موصكيش أدى البوز المحترم وأعقديهم 111 ولو حد سألك ردى برخامة وكئابة وبقرف كده مش هوصيكوا بقى ولو حسيتى انه هيفهمك غلط وهيحس انه كسوف او خجل نطى على الطريقة اللى جاية وادعيلى ههههههههههههه
2.أعملى فيها أراجوز: أتكلمى كتير أرغى براحتك وعلى صوتك كأنك اللى حواليكى طرش مش هيسمعوا أطلعى من موضوع خشى فى موضوع أتكلمى عن السياسة وأوضاع البلد وماشاء الله هتلاقى كتير ترغى فيه أستمرى كأنك بالعة راديو لازم ينزلوا ماسكين دماغهم من الصداع
3.أعملى فيها المخبر: تقمصى شخصية المفتش كرومبو و المحقق كونان وأسألى العريس ومتديلوش فرصة يرد بتشتغل ايه مين صحابك بتحب ايه ايه هواياتك مامتك لون جزمتها ايه بس أوعى تديله فرصة يرد (ولو قالك ادينى فرصة ارد تقوليلوا هو من اولها مش عايزنى اتكلم لالالا كده مش هينفعنى انا احب اتكلم براحتى )
4.أعملى فيها هبلة: أستهبلى أضحكى ضحكة عبيطة على آى حاجة أضحكى ع الفاضية والمليانة متضحكى هو الضحك بفلوس و الضحكة تكون كالآتى ( نيهااااااااااااااااااااااااااااااااااااااااااااااااا) لحد ميحس إنك شخصية تافهة وفاضية ودماغك كرة شراب وشراب ريحته وحشة كمان ولا مؤاخذة
5.النكدية الخوافة: عيشيه جو الكآبة أنا خايفة أخلف عيال من الأوضاع اللى مالية البلد وأنتشار الأمراض وغلاء الأسعار هنصرف عليهم منين وهنأكلهم ازاى أرسميله مستقبل كئيب مفيهوش أمل يعنى لا الحياة بمبى ولا نيلة وياريت تعيطى ولو سألك مالك قوليلو افتكرت انى حلمت انى هتجوز ويوم فرحى الشقة هتولع وجوزى هيموت بعد اسبوع وانا بيقولوا عليا مبروكة واحلامى بتتحقق ههههههههههههههههههه
5.المسرفة: قوليله أنا بحب الشويبنج كتير وبعشق الدهب ومتنسيش تفكريه إن ملكيش فى جو التنضيف والطبيخ ولازم يكون فى شغالة والعفش كل خشبة من بلد ((اة احنا ناس جامدة ومش اى حاجة ))
6.المقارنة: أتكلمى عن العرسان اللى جولك قبل كده قال يعنى خطابك كتير وقالولى تستاهلى الدهب واللولى وأقعدى قارنى بينهم وبينه فى طريقة اللبس والحوار والمستوى وطبعا هما اللى احلى منه بكتير
7. الميك أب : طبعا انتى عروسة مش هوصيكى كل الوان الطيف تتحط فى وشك وجربى الالوان الغامقة على الخد والروج مش هوصيكى كأنك اكلة كلب ونسيتى تمسحى بؤك هههههههههههههههههه والطرحة تحطى تحتها فوط وقطن وسنفج عايزة راسك تبقى قد خزان المية ولو مش محجبة تبقى فرصة وجاتلك تنكشيه ورشى عليه حبة دقيق كانك شغالة فى فرن
وبكده أضمنلك إنه هيطفش لا محالة
أما بقى لو العريس عجبك أعملى العكس على طووووووووووووووووووول هههههههههههههههههههههههههههههههه اي خدمة منقول للاستفزاز
