يبدأ يوم الشباب لما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد
إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يسموها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك ))
أو حتة (( شامبو )) يعنى ريحتها حلوة ومستحمية !!!
ولو البنت صغيرة يقول عليها (( أووزى )) ولو كانت البنت الاجمل فى الشلة يقولو عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))
ولو كانت لعوباً يقولو عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!
ولو كانــت البنت سمـراء البشرة يسموها (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى (( بيئة ))....
وولما ترفض البنت المعاكسة وده نادر جدا او مبيحصلش خالص ههههههه تقول للبييعاكسها ( يا خفة .. اية الهزار دة ... روح لمامتك يا بيبى ))
وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ال يعني البت فاهمه لغه هههههه
ولو الولد زهق (( اتخنق )) من البنت أو العكس يقولها (( سمعينى بودعك )) أو (( حوديها المولد)) ....
ولما تكون عايزة توريه لصحابها وتاخد رأيهم فى (( البوى فريند )) بتاعها ((تديله راندفو)) وتطلب من صحابها رأيهم من غير ما ياخد باله طبعا يعني ((بالطريقه )) (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى لما تقول لها صحبتها انك (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ... (( شامورتى )) يعنى خنييق
اقدم لكم اخر (فرجن ) من المصطلحات الشبابية الجديدة التي دخلت لغتنا الجديدة حتى لا نتهم بأننا مش عايشين في الدنيا .. 1 ) مالوش في اللون او مالوش في النظام وهى عبارة تعنى عدم اعتياد الشاب الدخول في حوارات معينه او فعل تصرفات معينه ، مثال " عندنا ماتش يا كابتن جاى معانا .. لأ ماليش في النظام "
(2) مضروبة بالنار عبارة توصف بها الفتاة القبيحة شكلاً وجسداً ومضموناً " بنت مضربة بالنار " اى لا يوجد ما يشجع الشاب علي التقرب منها
(3) معتقه اصطلاح يطلع علي الشئ القديم النادر والخبثاء من الشباب يطلقونها علي السيدات الكبيرات في السن مثال " الست دى معتقه من ايام سفينه نوح "
(4) موزه اصطلاح درج ان يطلق علي الفتاة الجميلة جداً في كل شئ ، واتخيل ان اللفظ اتى من كلمه المزمزة بالعامية المصرية وهو التمتع اثناء طعام او شراب ، اى يأكل ببطئ لانه حلو جداً وكذلك الفتاه حلوه جداً
(5) مش في الفورمه عبارة تعنى ان الشاب يشغل تفكيره في شئ ما او لا يمارس حياتة الطبيعية او هناك ما يقلق مزاجه
(6) مُحوكس لفظ يعنى تصنع الاستهبال او العبط مثل " انت بتحوكس ياض " اى بتدعى العبط
(7) مشوار المشوار هو الموضوع " فهمنا ايه المشوار " اى اشرح لى الموضوع او الذى لا اعرفه ،، واحياناً ما نأتى الكلمه بمعنى مثل " مشوار الدنيا محسوب بالثانية "
( مصلحه والمصلحجى هو الشاب الخبيث همه في الحياة الحصول علي اى فائدة سواء كانت المصلحة نقود او سيجارة وكما يقولون " تعالى نعمل مصلحه من الواد ده " يعنى تعالى نبحث كيف نستغله
(9) مأزعر اى قصير ونحيف للغاية لدرجة " المفطفط " والمصطلح ده جاى من فطوطه
(10) متخرتق اصطلاح يعنى ان هذا الشاب ليس له حظ في الدنيا .. عليه التزامات عديدة لا يستطيع الوفاء بها كما ان الاصطلاح به استخدامات عديدة مثل " الحياة مخرتقانى " اى ان الحياة تقف ضدى لدرجة البهدلة
(11) مُكنه وتعنى البيت الآن بلغة الروشنة وهو البيت او المكان الخاص بتجمع الشلة ، الذى لا يعرفة احد ويمكن ان تكون المكنة طريق او منطقه ، وتقال " لقيت حته موكنة حلوه " اى وجدت منطقه خاليه من البشر
(12) ماتسيحش وهى عبارة تحمل تحذير شديد اللهجة لاحد الشباب تفيد عدم نشر معلومات ذات اهمية كبيرة .. و غالباً ما تكون هذه المعلومات خاصة بعلاقة غرامية جديدة للشخص المنزر
(13) مرهف وهو شديد الحساسية ومرهف تستخدم بمعنى مرهف او تعبان
(14) مسكوبتش لفظ اطلق علي البخلاء او الحريصين علي المادة بصوره قوية ، واللفظ مأخوذ فنياً من مضمون الأزمة الاقتصادية التى لاحقت انهيار الاتحاد السوفيتى ، والكلمة لا تعنى اى دلاله اخرى كما يظن الخبثاء
(15) متعه لفظ شعبى قديم يطلق علي الفتاة الجميلة
(16) مظلات لفظ يطلق علي الشخص الاقرع وتقال " صباح المظلات " اى القرعة نورت
(17) محلى وهو لقب بمعنى نظيف او شريف .. لا تشويه شائبة ، وكذلك يطلق علي الفتاة حسنة السير والسلوك ، والكلمه بالاساس مأخوذه من المنجد الذى يعمل القطن وينظفه
(18) محطه العبيط باشا جت عبارة بمعنى توقف عن كلامك الاهبل او الذى يسئ للاخرين او حان الوقت لكى تتراجع عما قلت او ارحل حتى لا تزيد من حده الموقف
(19) ممروع لفظ بمعنى مختال بنفسه واخد في نفسة قلم ، واحياناً تأتى بمعنى العشم في كرم شخصاً ما لدرجة كبيرة وتقال " انت ممروع علي ايه "
(20) مقطع السمكه وديلها وهو الشخص المحترف في اساليب التعامل مع الفتيات والايقاع بهم في حبالة
(21) معاك ع الخط عبارة بمعنى اتبع اسلوبك .. او اوافقك علي ارائك وقرارتك ، وتقال انا معاك علي الخط او اننى اصدقك واوافق علي كل ما تقوله
(22) مال الله عبارة متعارف عليها علنياً وتعنى اموال الزكاة ، ولكن العبارة تستخدم بمعنى اخر بالنسبة للشباب المستغل ، حيث تعنى ان كل ما احصل عليه من الاخرين هو ليس لي سأبعثه للزكاه
(23) ملزق لفظ له العديد من الاستخدامات ، فأحياناً يأتى بمعنى حلو لدرجة عدم قبوله او تأتى كصفه يتصف بها المهتمين بالمظهر لدرجة لا تطاق ، وحديثه ملزق اى يتكلم بود وحميمية علي غير اساس وتأتى بمعنى " لزقه " اى الشخص الذى يتبعك كظلك اينما ذهبت
(24) منخار الشخص الفضولى والذى يضع منخاره في كل شئ ويؤذى شعور الاخرين
(25) متودك مصطلح بمعنى فاهم او خبير محنك ، وتقال متودك في الصنعه ، اى يفهم الاسرار الخفية فيها ويمارسها باحتراف
(26) ملحلح وهو الشاب الهمام الذى ينفذ الاوامر المطلوبة منه بسرعه ، وتقال " انت شاب ملحلح " اى قادر علي التعرف بسرعه وذكاء
مصلحه 
