لية الدموع ياحبيبتى مالية عنينا

لية مش قادرين نمسحها بأدينا

لية الدموع دايما مكتوبة علينا

لية دا احنا غلابة و ياما اسينا

لية القسوة فى عيون اللى حوالينا

دا كان الحب والامان ابسط امانينا

كان املنا فى الدنيا مركب يرسينا

او حتى طير بجناحات ملونة يطير بينا

حتى الفرح عمرة مازار اراضينا

والحزن مأثر علينا وبيجرى فينا

كان الليل الطويل دايما حوينا

حتى ضوءالنهار عمرة مافكر يجينا

ولا حتى قدرنا فى يوم نفهم بعضينا

نستينا كل حاجة حلوة حتى اغانينا

كنت بعيش على امل تبعدى وترضينا

نهيتى فينا الحب حتى اجمل معانينا

لية ماسكة فينا ومش راضية تسبينا

حتى بيكى رغم قسوتك علينا ورضينا

طب حتى خلينا ننسى او حتى حاولى تنسينا

ولا حتى الايام وقسوتها قدرت تقوينا

كنا بندور على مكان بسيط يأوينا

او حتى يغطى حبنا وقلبنا من صحارينا

كان قلبنا بيدق حتى من نطق اسمينا

لية يادموع دايما كنتى قادرة وبتطحنينا

ومن حلمنا الجميل على وهم بتصحينا

للدرجة دى قدرتى فى بعدنا تغرقينا

وخليتى قلوب الناس القاسية تقسينا

حتى على شط من غير مرسى بترمينا

لية خلتينا مكسورين والهجر مالينا

لية يادموع العين بالسهولة دى تموتينا