ذنب ناس

لو تعرف قد ايه سعيد باللي انت فيه
ما انت ابن حلال وقلبك يستاهل كل خير
يا فرحة قلبى فيك وفـ قلبك وفـ عينيك
وانا شايف جرحك اكبر من جرحى انا بكتير

ما هو ذنب ناس بتخلصو ناس ولا انت جرحك ليا ناسيه
واللي يدوس لازم ينداس واللي عملتو لازم تلاقيه
علشان تدوق ظلمك ليا وتحس بقى نفس الاحساس

عايزنى اقولك ال سماح طب علـ العذاب ولا الجراح
ولا انت ناسى ان اللي راح كان تمنه غالى
هو البكا يصحى اللي مات ما بلاش نقلب فى اللي فات
لا تقولى كان ولا زكريات انا حقى جانى

كل حق وله اوان اصل الحياه داين تدان
واللي عملتو انت زمان اديك لقيتو
وزى ما على قلبى افتريت من نفس كاسك اتسقيت
ولا انت فاكر انك نجيت وخلاص نسيتو
ما هو ذنب ناس بتخلصو ناس ولا انت جرحك ليا ناسيه
واللي يدوس لازم ينداس واللي عملتو لازم تلاقيه
علشان تدوق ظلمك ليا وتحس بقى نفس الاحساس