عل أسم مصر التاريخ يقدر يقول ماشاء
أنا مصر عندى احب و أجمل الاشياء
بحبها وهى ملكة الأرض شرق وغرب
وبحبها وهى مرمية جريحة حرب
بحبها بعنف وبرقة وعلى أستحياء
وأكرهها و ألعن أبوها
بعشقى زى الداء
على أسم مصر النسيم فى الليالى
وبياعين الفل
ومراية بهتانها على القهوة أزورها و أطل
القى النسيم طل من مطرح مانا طليت
والقاها برواز معلق عندنا فى البيت
فى صورة الرائيس
((جمال عبد الناصر))
حبيب الكل
المصرى باشا بشواربة
اللى ماعرفو الذل
ومصر فوق فى الفراندة
وأسمها جوليت
ولما جيت بعد روميو
بربع قرن بكيت
ومسحت دموعى فى كمى
ومن ساعتها
وعيت على اسم مصر
