عشان الدم كله أحمر
ونفس اللون على الاسفلت
فبسأل كل ايد قاتله !!
ماخوفتش لحظه لما قتلت ؟؟
عشان الطلقه مش طايشه
و مش بتفرّق الارواح
فى ناس عايشه ومش عايشه
عشان الدم فيهم راح
عشان الدين ماهوش بـ الكم
عشان الغدر سهم اتسم
فـ وقت الفتنه مش لازم
يكون الدم حقه الدم
حرام الدم يبقى حلال
حرام الموت يكون الحل
حرام تخسر عدد اكبر
عشان خَـوَنـَه عددهم اقل
ده مش تفويض على جهنم
عشان تبدأ كده الحفله
يا تقطع كل ايد مدسوسه
يا تقطع ايدك الفاشله