بسم الله الرحمن الرحيم السلام عليكم ورحمه الله وبركاتو
و زى ما المتنبى قال :
الخيل و الليل و البيداء تعرفنى ...........و السيف و الرمح و القرطاس و القلم
وشبابنا اليومين دول قالوا : النت و الراوتر و المنتديات تعرفنى.......... و الماوس و الكيسة و الشاشة و الهارد
موضوعنا عبارة عن حملة توعية من وزارة الاسكان لتخفيف الزيادة السكانية و طبعا التقليل من الجواز و صادف ان ده هدفى اللى شغالة علشان احققه من زمان
و الموضوع طويل و ينقسم الى 17 محور و 6 دائرى و 4 كبارى
و نقول الووووو : مين معايا !!!!!!!!!؟؟؟؟؟؟ ابقوا قابلونى لو حد رد عليكوا
و قصيدة كدة عشان تقتل جواكم اى شفقة او عواطف و الكلام بتاع الناس اللى عندهم قلب (ياى قلب و دم من الاحمر)
لمحتنى من بعيد..............اتشدت ليا شافتنى من قريب.............. دابت فيا اتكلمت معايا...............حسيت بحنية قالتلى بحبك................قلتلها اسرحى يا بت من هنا
المحور الاول
حسابات رومانسية
شاب كول و زكى + حتة طرية زكية برضه = قصة حب رومانسية طحن و طبعا لو عبقرى مش زكى بس يبقى عارف الحكمة اللى بتقول بنت واحدة مش كفاية قلبك كبير مالوش نهاية
واد جامد و برضه زكى + بت مخها على ادها = بيزنس (يعنى هيشتغلها لحد ما يقلبها)
عيل سيس و غبى + بت مخها كبير و لفة الدنيا و عارفها و دايسة الكوكب بحاله =علاقة أخرتها جواز (يبقى نزلت بخطة اربعة اربعة اتنين و دخلت جون )
عيل خبوء و غبى + بت غبية زى حالاته = طبعا نتيجة معروفة (هيلعبوا بخطة واحد فى الدفاع و هيخبطوا دماغهم فى العارضة و فى الاخر هتطلع اوت)
يعنى هيتجوزوا و كمان هيجيبوا عيال اتدبست يا حبى
الكلام بقى و النقاش مع البنات (ده محور تانى خالص) النقاش قدام بت اكنك ماشى فى طريق صحراوى ما فيهوش ريست
حاول تدخلش نقاش قدام بت مش هقولك هتقنعك هى هتقعد تدخلك فى شوارع و مواضيع حلها اصعب من تحرير فلسطين و هتعمل خريطة زى خارطة الطريق اللى محدش عارف يقراها و المهم هتطلع غلطان زى ما الكتاب بيقول
[size=21]و النصيحة ديه عشان انتوا حبايبي خلى ودن من طين و التانية من طين برضه
و معلومة صغيرة كدة هتنفعك فى حياتك المستقبلية عن خبرة فى الحياة
بيقولك الرجالة المتجوزين بيعيشوا اكتر من العازبين (اللى عايشين lonley يعنى ) يا عم استنى ما تزوقش كمل كلامى الاول (بس الرجالة المتجوزين عندهم رغبة اكبر فى الموت ) حلم حياتهم يعنى و عقلك فى راسك تعرف خلاصك
اعلان كدة عشان تستقبلوا النصايح بصدر واسع
[size=21]الكمبيوتر هو الحياة اوعى تفارقه لحد ما تتعمى
تغير طبيعة البنات و الشباب بعد الجواز
البت تقولك بعد الجواز الشاب الأمور اللى هيا متجوزاه هيبقى زى الفل و مش هيبص لحد تانى بس الحمد لله برضه ما بيتغيرش
بس الراجل على العكس تماما بيتوقع انها مش هتتغير (أحلم يا حبيبى الاحلام ببلاش ) و هتفضل زى ما هيا بقى يقولها يا بيبى و شكلها يبقى روش طحن و كدة و خروجات و فسح و مليطة
بس للأسف بتتغير
شعر منعكش ....كام بشلة فى وشها (علامة الاجرام) ......تلاقى ايديها انشف من الحجر تحس انك قاعد مع واحد صاحبك و تأشف بقى و كدة ....الحاجات العادية يعنى من الأخر هتبقى مفشولة و عاملة زى شوال البطاطس
ركز معايا الموضوع مهم يابنى (الله يرضى عليك معايا)
يا ابنى بقولك ركز.......ما تبصش على زميلتك يا حبيبى خليك كويس و اتقل شوية......كلها ربع ساعة و هتيجى تقعد جنبك....بس اما اخلص كلام معاها الأول
مبادىء اساسية
فى حبة حاجات كدة تعتبر من اساسيات الحياة الأوكشة (البت طبعا) بتفضل قلقانة من المستبقل لحد ما تتجوز
اما البرنس حبيبنا بيبقى زى الفل لحد ما اليوم الاسود بيجى بيفضل قلقان و قاعد على اعصابه طول حياتة (يا عينى يا عينى يا عينى على الولا )
بس طبعا لا نخفى مجهودات المرأة فى المجتمع زى ما عرفنا قبل كدة و بكررها تانى ان ستات مصر قالوا كلمتهم النخلتين سمنتهم
[/size] الميزة بتاعت البنات و اى كائن حى بيلبس كعب عالى مقارنة بالشباب
الشاب ممكن يشترى ابو عشرة بعشرين البت ممكن تاخد اللى هى عيزاه و تاخد فلوس فوقيه
بص يا باشا انت شكلك مش مصدقنى و حاسس انك عمال بتشتم فى سرك
انا هجيبلك مثال بسيط و لذيذ عشان يوضحلك اهمية انك تفضل سينجل و تعيش alone
ايوة هى زى الاعلان ده بالظبط تشوفها كل يوم زى الساندوتش اللى فوق ده (هتتهبل عليها) اتجوزها و ابقى قابلنى لو شوفت حتة من الساندوتش اللى تحت حتى انا جايبه بس عشان يخفف الصدمة عليك
عدى بسرعة يا حلوة انتى و هيا مش شايفانى بشرحلهم .......مش كورنيش هو
عايزة ميكانيكى يا نهار اسود كل ده جوة شايف الراجل بسيط و سيمبل ازاى (صريح اووووووووووووووووووى) انما هى يا ويلكم منها
تحكمتها عايزة مهندس حظكم حلو انكوا لقيتونى مش عارفة كان ايه اللى ممكن يحصلكم من غيرى ربنا يخلينى للشعب
مثال تانى عشان انتوا دخلتوا قلبى بيكدبوا عينى عينك فى الوش كدة و طبعا انت هتصدق لانك نيتك طيبة و قلبك زى ورقة البفرة (ابيض و زى الفل)
ايوة ........وصلت للدرجة ديه تخيل انت طيب ازاى و علنياتك (ما كانش يومك يا ابنى) حظك حلو انها ما قالتش على التليفون ده لاب توب و لا طيارة
اوعى يا ابنى انا بحذرك ما ترميش نفسك فى التهلكة لا تلاقى نفسك مخلوع و مطرود و ساعتها هاجى (أغنيلك طريقكك مسدود مسدود مسدوووووووووووووووود)
ما تعييش فى الاحلام كتير لان الحقيقة (مش عارفة اوصفلك ) هديك مثال كمان لان انت صعبت عليا
طبعا مش فاهم حاجة من الصورة هبسطهااااااااااااااااااالك الناس دول غمضوا عينيهم و تخيلوا ان هما راكبين التيتانيك ما الخيال مش بفلوس و من غير تذاكر بس الحمد لله جيه حد فوقفهم و عرفهم انهما لسة قاعدين فى جنينة الاسماك (طبعا مش عشان تذكرتها رخيصة )عشان ممكن ينطوا من فوق السور
و انت نفس الحكاية تخيل ان فى زواج سعيد هتلاقينى جاى من وراك و برزعك على افاك بضهر ايدى زى الخدامين
و ديه صورة لجواز دام سنين كتير تدل على السعادة
طبعا السعادة ممكن تتحقق على طول بس لو كانت خارسة
تتعب نفسك ليه؟؟؟؟؟؟؟؟؟؟؟؟ما انت عايش باشا
هتروح تتقدملها و ابوها يعمل عليك ريس و هو راجل سيس و هيعاملك زى الزفت كأنك رايح تتقدم لوظيفة
ما انت عايش و مأنتخ و الحياة وردى
يا ابنى اقعد فى البيت و خلى فلوسك فى جيبك احسنلك
بس فى حالة انك ما سمعتش الكلام و قضيتها غباوة هديك صورة مبسطة عن اللى هيحصلك
و هتترفع شعار الذل
[b]
و تعيش متكتف طول عمرك (عايز تعيش و مش قادر)
غبببببببببببببببببببببببببببببىىىىىىىىىىىىىى
طبعا هتتعصب و تقولى انك ما بتخافش طب يا اخى مش خايف على نفسك خاف على مصر اللى لسة مش عارفين هى ام مين بالاشكال اللى انتوا ممكن تجيبوها
و قد اعذر من انذر و اللى ياكل على ضرسة (ممكن يسوس)
و انتى كمان يا حلوة
ايوة انتى ........ما تعمليش عبيطة (بتبصى وراكى ليه انا بندهلك انتى) شايفة انا بعلمهم ازاى سيبيهم فى حالهم بقى و امشى من هنا قبل اما امد ايدى
مبقاش فى دم خالص قاعدة بقالى ساعة بكتب محدش عزم عليا بكوباية فاضية و لا حتى هدايا من المول
